Il Premi Terzani

Il Premi Terzani al è stât istituît intal 2004 de associazion culturâl vicino/lontano, in acuardi e in colaborazion cu la femine, Angela Terzani, e i fîs dal gjornalist e scritôr florentin Saskia e Folco.

In ocasion dal prin incuintri de jurie, ai 5 di Dicembar dal 2004 a Udin, il scritôr e reporter di vuere polac Ryszard Kapuściński, che vuê nol è plui, al pandè cun eficacie il sens di un premi dedicât ae figure di Terzani dentri dal progjet di vicino/lontano: «Il ricuart di Tiziano Terzani – al à dit Kapuściński – mi è tant cjâr. Il nestri mont, che a disin globalizât, al è fat invezit di tantis provinciis, di tantis culturis diviersis. Tiziano Terzani cul so lavôr di gjornalist al à savût pardabon creâ chel puint tra lis diversitâts e lis diferencis che al permet ancje a chei altris di capî il mont, un mont che al cambie cun rapiditât e in maniere dramatiche. Tiziano Terzani lu à podût fâ parcè che al saveve cjalâ, i siei voi a savevin cjalâ intal mût just. E par chest Tiziano Terzani al è stât un vêr e impuartant testemoni dal nestri timp. In tancj a scrivin. Vuê o sin somerzûts di un diluvi di peraulis, ma pôc di chel che al ven scrit al restarà».

Il Premi Terzani al è stât istituît intal 2004 de associazion culturâl vicino/lontano, in acuardi e in colaborazion cu la femine, Angela Terzani, e i fîs dal gjornalist e scritôr florentin Saskia e Folco.

In ocasion dal prin incuintri de jurie, ai 5 di Dicembar dal 2004 a Udin, il scritôr e reporter di vuere polac Ryszard Kapuściński, che vuê nol è plui, al pandè cun eficacie il sens di un premi dedicât ae figure di Terzani dentri dal progjet di vicino/lontano: «Il ricuart di Tiziano Terzani – al à dit Kapuściński – mi è tant cjâr. Il nestri mont, che a disin globalizât, al è fat invezit di tantis provinciis, di tantis culturis diviersis. Tiziano Terzani cul so lavôr di gjornalist al à savût pardabon creâ chel puint tra lis diversitâts e lis diferencis che al permet ancje a chei altris di capî il mont, un mont che al cambie cun rapiditât e in maniere dramatiche. Tiziano Terzani lu à podût fâ parcè che al saveve cjalâ, i siei voi a savevin cjalâ intal mût just. E par chest Tiziano Terzani al è stât un vêr e impuartant testemoni dal nestri timp. In tancj a scrivin. Vuê o sin somerzûts di un diluvi di peraulis, ma pôc di chel che al ven scrit al restarà».

Ae presidence de jurie dal Premi e je, fin de prime edizion, Angela Terzani, garante – cu la associazion vicino/lontano – de indipendence dal ricognossiment.

Il Premi Terzani al ven consegnât ogni an a Udin dilunc dal festival vicino/lontano.

A vuê a fasin part de Jurie dal Premi:  Giulio Anselmi, Enza Campino, Toni Capuozzo, Tommaso Cerno, Marco Del Corona, Andrea Filippi, Milena Gabanelli, Nicola Gasbarro, Alen Loreti, Ettore Mo, Carla Nicolini, Paolo Pecile, Valerio Pellizzari, Peter Popham, Marino Sinibaldi

Traduzion par cure de ARLeF
ARLeF