Concors pes scuelis

Il Concors Scuelis Tiziano Terzani al è stât ideât di vicino/lontano in colaborazion cu la famee Terzani. Al è viert ai istitûts scolastics di ogni ordin e grât de regjon Friûl Vignesie Julie.

Al à l’obietîf di stimolâ e di promovi dentri de scuele la realizazion di percors di riflession e di creativitât, a mieç di modalitâts espressivis e didatichis diferentis. Al vûl contribuî a disvilupâ intai fruts e intai fantats il sens di ‘citadinance ative’ cul obietîf di preparâju “a assumi lis responsabilitâts de vite intune societât libare, intun spirt di comprension, di pâs, di tolerance, di paritât tra i ses e di amicizie tra ducj i popui e grups etnics, nazionâi e religjôs e des personis di divignince  autoctone” (art. 29 de Convenzion sui dirits de infanzie aprovade de Assemblee gjenerâl des Nazions Unidis – 1989).

La premiazion dal Concors e je a Mai, dilunc dal festival vicino/lontano, che ae figure dal gjornalist e scritôr Tiziano Terzani al à dedicât ancje il Premi leterari internazionâl che il Concors al è colegât.

Traduzion par cure de ARLeF
ARLeF