Il festival
Nassût dal leam fuart cu la figure dal gjornalist e scritôr Tiziano Terzani, il festival “vicino/lontano” si fâs ogni an a Udin, dal 2005, intal mês di Mai.
Incuintris, dibatiments, conversazions, conferencis, lezions, leturis, mostris, spetacui e proiezions si disvilupin par cuatri zornadis intensis tal centri storic de citât e tai edificis plui sugjestîfs.
Il Premi Terzani
Il Premi Terzani al è stât istituît intal 2004 de associazion culturâl vicino/lontano, in acuardi e in colaborazion cu la femine, Angela Terzani, e i fîs dal gjornalist e scritôr florentin Saskia e Folco.
In ocasion dal prin incuintri de jurie, ai 5 di Dicembar dal 2004 a Udin, il scritôr e reporter di vuere polac Ryszard Kapuściński, che vuê nol è plui, al pandè cun eficacie il sens di un premi dedicât ae figure di Terzani dentri dal progjet di vicino/lontano: «Il ricuart di Tiziano Terzani – al à dit Kapuściński – mi è tant cjâr.
Presentazion
Vicino/lontano e je une associazion culturâl cence fins di vuadagn. Fondade a Udin intal Otubar dal 2004 par iniziative di un grup di privâts citadins, e organize events e iniziativis culturâls cul intindiment di promovi moments di riflession publiche su cuistions viertis e tematichis impuartantis dal nestri timp.
E colabore cun tancj ents, istituzions, associazions e rivistis culturâls, tra chestis: Universitât dal Friûl – socie de associazion dal 2007 –, LiMes, Reset, aut aut, Multiverso, Edizione, Medici Senza Frontiere, Pordenonelegge,
